IPL 2025 ની 45મી મેચ આજે મુંબઈ ઈન્ડિયન્સ અને લખનૌ સુપર જાયન્ટ્સ વચ્ચે રમાઈ રહી છે. આ મેચમાં, મુંબઈ ઈન્ડિયન્સે એક એવા ખેલાડીને તક આપી છે જેણે પાકિસ્તાન સુપર લીગ છોડીને ઈન્ડિયન પ્રીમિયર લીગને મેચ રમવા માટે પસંદ કરી હતી. દક્ષિણ આફ્રિકાના ખેલાડી કોર્બિન બોશે આજે મુંબઈ ઈન્ડિયન્સની મેચ સાથે IPLમાં ડેબ્યૂ કર્યું છે.
મુંબઈ ઈન્ડિયન્સ માટે કર્યું ડેબ્યૂ
લખનૌ સામે રમાનારી મેચમાં કોર્બિન બોશને પ્લેઈંગ ઈલેવનમાં સ્થાન આપવામાં આવ્યું છે. કોર્બિન બોશ દક્ષિણ આફ્રિકાની ટીમ તરફથી રમે છે અને એક ઓલરાઉન્ડર છે. આજે મુંબઈની પ્લેઈંગ ઈલેવનમાં કોર્બિન બોશ સિવાય, રિયાન રિકેલ્ટન (વિકેટકીપર), રોહિત શર્મા, વિલ જેક્સ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, ટ્રેન્ટ બોલ્ટ, દીપક ચહર અને કર્ણ શર્માનો સમાવેશ કરવામાં આવ્યો છે.
કોર્બિન બોશે પીએસએલને મારી લાત
આ વર્ષની શરૂઆતમાં પાકિસ્તાન સુપર લીગ માટે પ્લેયર ડ્રાફ્ટમાં દક્ષિણ આફ્રિકાના ખેલાડી કોર્બિન બોશનો સમાવેશ કરવામાં આવ્યો હતો. બાબર આઝમના નેતૃત્વ હેઠળની ટીમ પેશાવર ઝાલ્મી માટે કોર્બિન બોશની પસંદગી કરવામાં આવી હતી.
પરંતુ કોર્બિન બોશે IPLમાં રમવા માટે PSL ને લાત મારી. IPLમાં કોર્બિન બોશની પસંદગી બાદ પાકિસ્તાન ક્રિકેટ બોર્ડે દક્ષિણ આફ્રિકાના આ ખેલાડી પર એક વર્ષનો પ્રતિબંધ લગાવી દીધો છે.
MI માં કેવી રીતે જોડાયા કોર્બિન બોશ?
કોર્બિન બોશને તેના સાથી ખેલાડી ઈજાગ્રસ્ત થયા બાદ મુંબઈ ઈન્ડિયન્સમાં સ્થાન આપવામાં આવ્યું છે. દક્ષિણ આફ્રિકાનો ખેલાડી લિઝાર્ડ વિલિયમ્સ MI માટે રમી રહ્યો હતો, પરંતુ તેની ઈજા બાદ, કોર્બિન બોશે તેમની જગ્યાએ ટીમ બનાવી છે. કોર્બિન બોશના લીગમાંથી અચાનક બહાર નીકળવાના નિર્ણયની પાકિસ્તાન ક્રિકેટ બોર્ડ દ્વારા ટીકા કરવામાં આવી હતી. દક્ષિણ આફ્રિકાના ખેલાડીએ આ માટે માફી પણ માંગી અને કહ્યું કે હું પેશાવર ઝાલ્મીના ફેન્સની માફી માંગુ છું.
https://ift.tt/rOhi1lE
from SANDESH | RSS https://ift.tt/YUOuXhi
via IFTTT
0 ટિપ્પણીઓ