ભારત-પાકિસ્તાન તણાવ વચ્ચે IPL 2025 એક અઠવાડિયા માટે સ્થગિત કરવામાં આવી હતી. પરંતુ હવે આ ટુર્નામેન્ટ 17 મેથી ફરી શરૂ થવા જઈ રહી છે. આ દરમિયાન, વિદેશી ખેલાડીઓ પોતપોતાના દેશોમાં પાછા ફર્યા હતા, પરંતુ કેટલાક ખેલાડીઓ હવે પાછા ફર્યા છે.
કેટલાક ખેલાડીઓ આખી સીઝન રમી શકશે નહીં, જેમાં ઈંગ્લેન્ડના જોસ બટલરનો પણ સમાવેશ થાય છે. જોસ બટલર આ વખતે ગુજરાત ટાઈટન્સ તરફથી રમી રહ્યા છે અને તેમનું અત્યાર સુધીનું પ્રદર્શન શાનદાર રહ્યું છે. આ પરિસ્થિતિમાં, હવે એવા સમાચાર સામે આવી રહ્યા છે કે જોસ બટલર ગુજરાત ટાઈટન્સ માટે પ્લેઓફ મેચ રમી શકશે નહીં. આનું મોટું કારણ સામે આવી રહ્યું છે.
ઈંગ્લેન્ડ વિરુદ્ધ વેસ્ટ ઈન્ડીઝ સિરીઝમાં રમશે બટલર!
IPL 2025 નું નવું શેડ્યૂલ તાજેતરમાં આવ્યું હતું, જેમાં એવું જોવા મળ્યું હતું કે પ્લેઓફ મેચો 29 મેથી શરૂ થશે. બીજી તરફ, 29 મેથી ઈંગ્લેન્ડ અને વેસ્ટ ઈન્ડિઝ વચ્ચે ODI સિરીઝ રમાશે, જેના કારણે જોસ બટલરને IPL 2025 ની મેચો ચૂકી જવું પડી શકે છે.
આ રિપોર્ટ બહાર આવ્યા પછી, મોટો સવાલ એ ઉભો થયો કે પ્લેઓફ માટે ગુજરાત ટાઈટન્સમાં જોસ બટલરની જગ્યાએ કયો ખેલાડી આવશે? બટલરના રિપ્લેસમેન્ટ અંગે મોટી માહિતી બહાર આવી રહી છે.
કુસલ મેન્ડિસ કરશે એન્ટ્રી!
IPL 2025 મેગા ઓક્શનમાં ગુજરાત ટાઈટન્સે જોસ બટલરને 15.75 કરોડ રૂપિયામાં ખરીદ્યો હતો. આ સિઝનમાં અત્યાર સુધી, બટલરે શાનદાર બેટિંગ કરી છે અને 11 મેચમાં 500 રન બનાવ્યા છે. જેમાં 5 અડધી સદીનો સમાવેશ થાય છે.
હવે બટલરની જગ્યાએ ગુજરાત ટાઈટન્સમાં શ્રીલંકાના સ્ટાર ખેલાડી કુસલ મેન્ડિસનો સમાવેશ કરવાના સમાચાર છે. મેન્ડિસને T20 ક્રિકેટમાં પણ ઘણો અનુભવ છે. તેને અત્યાર સુધીમાં 78 T20 આંતરરાષ્ટ્રીય મેચ રમી છે, જેમાં તેને 15 અડધી સદી સાથે 1920 રન બનાવ્યા છે.
https://ift.tt/2KwQHL1
from SANDESH | RSS https://ift.tt/SEKkzm3
via IFTTT
0 ટિપ્પણીઓ