IPL 2025ની ઓરેન્જ કેપને ગુજરાત ટાઈટન્સની ટીમના બેટ્સમેન સાંઈ સુદર્શને પોતાના નામે કરી લીધી છે. સાંઈ સુદર્શને આ આખી ટૂર્નામેન્ટમાં શાનદાર બેટિંગ કરતા ફેન્સના દિલ જીતી લીધા છે. જણાવી દઈએ કે સાંઈ સુદર્શને આ સિઝનમાં 15 મેચમાં 54.21ની એવરેજ અને 156.17ની સ્ટ્રાઈક રેટથી 759 રન બનાવ્યા છે. આ યુવા ખેલાડીએ દિગ્ગજ બેટ્સમેન વિરાટ કોહલીને 102 રનથી પાછળ છોડી દીધો છે. વિરાટ કોહલી IPL 2025માં 657 રન જ બનાવી શક્યા છે.
ઓરેન્જ કેપ જીતવામાં સૌથી યુવા ખેલાડી બન્યા સાંઈ સુદર્શન
ઓરેન્જ કેપ જીતનારા સાંઈ સુદર્શન સૌથી યુવા ખેલાડી બની ગયા છે. સાંઈ સુદર્શને આ સિઝનમાં 1 સદી અને 6 અડધીસદી ફટકારી છે. તેમનો વ્યક્તિગત સૌથી હાઈએસ્ટ સ્કોર 108 રનનો છે. સાંઈ સુદર્શનના આ પ્રદર્શનના કારણે ગુજરાત ટાઈટન્સે પ્લેઓફમાં પોતાની જગ્યા બનાવી લીધી હતી પણ એલિમિનેટરમાં મુંબઈ ઈન્ડિયન્સની વિરૂદ્ધ 20 રનથી હારનો સામનો કરવો પડ્યો હતો.
સુદર્શનને 10 લાખ રૂપિયાનું ઈનામ પણ મળ્યું
મુંબઈ સામેની મેચમાં પણ સાંઈ સુદર્શને ધમાકેદાર બેટિંગ કરીને 50 બોલમાં 9 ચોકા અને 4 સિક્સરની મદદથી 81 રનની તોફાની ઈનિંગ રમી હતી પણ તે પોતાની ટીમને જીત અપાવવામાં નિષ્ફળ સાબિત થયો હતો. તમને જણાવી દઈએ સે ઓરેન્જ કેપ જીતવાની સાથે જ સુદર્શનને 10 લાખ રૂપિયાનું ઈનામ પણ મળ્યું છે. સુદર્શનની બેટિંગ જોઈને ફેન્સ તેમના વખાણ કરી રહ્યા હતા. IPLમાં સારા પ્રદર્શનનું ફળ પણ સુદર્શનને મળ્યું છે, તેને ઈંગ્લેન્ડની સામે રમાનારી 5 મેચની ટેસ્ટ સિરિઝમાં ઈન્ડિયા ટીમમાં સ્થાન મળ્યું છે.
https://ift.tt/PJKNCZ1
from SANDESH | RSS https://ift.tt/vOjrCyY
via IFTTT
0 ટિપ્પણીઓ